Kocha wa zamani wa Simba, Dragan Popadic ambaye kwa sasa yupo Singida United akiwa na kandarasi ya miezi sita anapata taabu sana kwa kushindwa kuambulia matokeo katika michezo yake miwili aliyoongoza mpaka sasa.
Popadic alikabidhiwa mikoba na uongozi wa Singida United akimpokea Hemed Morocco ambaye kwa sasa yupo na kikosi cha timu ya Taifa cha vijana.
Katika masharti aliyopewa ilikuwa ni pamoja na kufanikisha timu kuleta ushindani kwenye mashindano ya SportPesa Cup, mambo yamekuwa kinyume na ameaga mashindano katika hatua ya kwanza.
Singida United walitolewa kwenye hatua ya robo fainali ya kombe la SportPesa na kikosi cha Bandari kwa kufungwa bao 1-0 mchezo uliochezwa Uwanja wa Taifa.
Pia katika mchezo wake wa kwanza wa Ligi Kuu Bara mzungu wa Singida alikubali kupoteza mchezo wake wa kwanza kwa kufungwa bao 1-0 dhidi ya Mbao na kumfanya ashindwe kupata matokeo katika michezo yake miwili ya mwanzo.
0 Comments