Bocco aomba radhi baada ya kipigo cha Mtibwa Sugar

Nahodha wa Simba John Bocco amewaomba radhi mashabiki wa timu hiyo baada ya kushindwa kutwaa kombe la Mapinduzi jana

Bocco amesema walijiwekea malengo ya kushinda taji hilo lakini haikuwa bahati yao

Aidha Bocco amewapongeza Mtibwa Sugar baada ya kufanikiwa kuibuka mabingwa wa michuano hiyo kufuatia ushindi wao wa bao 1-0

"Tumepoteza mchezo kwa bahati mbaya kwani tulicheza vizuri. Kwenye kipindi cha kwanza na hata cha pili tulitengeneza nafasi lakini tukashindwa kuzitumia. Lakini wapinzani wetu Mtibwa Sugar hawakuwa wabaya nao walicheza vizuri. Hatukufurahishwa na matokeo haya lakini ndio mpira wa miguu ulivyo"

"Tunarejea Dar kuendelea na maandalizi ya michezo ya ligi kuu inayofuata," amesema

Kipigo cha bao 1-0 dhidi ya Mtibwa Sugar jana, kimeifanya Simba ipoteze mechi ya pili ya fainali ya michuano hiyo kwa msimu wa pili mfululizo

Mwaka jana Simba ilifungwa na Azam Fc mabao 2-1 kwenye mchezo wa fainali

Kocha Sven Vandenbroeck ameingia lawamani kutokana na mabadiliko makubwa ya kikosi aliyofanya

Mashabiki wengine wamewashukia baadhi ya wachezaji kuwa hawakuitendea haki Simba inayowalipa mishahara minono kwani hawakujituma

Ni matokeo ambayo yamepelekea Mwekezaji Mohammed Dewji 'Mo' kujiuzulu nafasi ya Mwenyekiti wa Bodi ya Wakurugenzi hatua ambayo inamfanya ajiondoe kwenye majukumu ya kuihudumia timu na kujikita zaidi katika majukumu ya uwekezaji



Kwa habari zaidi Download App ya SOKA KIGANJANI kutoka Play Store.