Wanachama Simba waalikwa Mkutano Mkuu Disemba 08

Wanachama wa klabu ya Simba wamealikwa kwenye Mkutano Mkuu wa mwaka wa klabu hiyo ambao utafanyika keshokutwa Jumapili Disemba 08 2019 katika ukumbi wa Kimataifa wa Mwalimu Julius Nyerere jijini Dar es salaam

Mkutano huo unatarajiwa kuanza saa mbili asubuhi ambapo Msemaji wa klabu ya Simba Haji Manara amewataka Wanachama kufika mapema ili kukamilisha mchakato wa kujiandikisha

Aidha kwa wale ambao bado hawajalipia ada zao za mwaka wameaswa kufika mapema kwani kutakuwa na Mawakala wa benki ya NMB ambao watasimamia kupokea malipo ya ada za Wanachama kabla ya kuruhusiwa kushiriki Mkutano huo

Miongoni mwa ajenda za Mkutano huo ni pamoja na kuwasilishwa kwa ripoti ya mapato na matumizi ya klabu kwa mwaka uliopita

Pia itasomwa taarifa ya utekelezaji wa majukumu mbalimbali ya maendeleo ya klabu ya Simba



Kwa habari zaidi Download App yaSOKA KIGANJANI kutoka Play Store.