Tutamaliza kazi nyumbani - Aussems

Baada ya kupata matokeo ya suluhu ya bila kufungana ugenini, kocha Mkuu wa Simba Patrick Aussems amesema wana matumaini makubwa ya kupata matokeo mazuri kwenye mchezo wa nyumbani

Simba leo imewalazimisha UD Songo matokeo ya 0-0 ambayo yanawaweka mabingwa hao wa Tanzania Bara katika nafasi nzuri ya kutinga raundi ya kwanza, wakihitaji ushindi wa aina yoyote

Aussems amesema jambo muhimu katika mchezo huo ni kufanikiwa kuondoka Msumbiji bila ya kuruhusu bao

"Ulikuwa mchezo wa wazi, walikuwa wakijaribu kufunga na kwetu ilikuwa hivyo," amesema

"Jambo muhimu hatujaruhusu goli. Mchezo wa marudiano utakaochezwa Dar ni muhimu sana, kwa ushangiliaji wa mashabiki wetu na uwanja mzuri nafikiri tutafanya vizuri"

Mchezo wa marudiano utapigwa uwanja wa Taifa kati ya August 23-25