SHOO YA BONSI VIBE FESTIVAL YAFUNIKA DAR LIVE (PICHA +VIDEO)

Mwanamitindo, muuza nyago na msanii wa Bongo Fleva, Hamisa Mobeto akisalimia mashabiki kabla ya kutoa shoo usiku wa kuamkia leo ukumbi wa Uwanja wa Taifa wa Burudani, Dar Live uliopo Mbagala-Zakhem jijini Dar.

Mashabiki wa burudani haswa wapenzi Muziki wa Bongo Fleva na Singeli, usiku wa kuamkia leo Agosti 13, 2019 katika kusherehekea Siku Kuu ya Idd walipata bonge la burudani kwenye Uwanja wa Taifa wa Burudani wa Dar live katika tamasha la Bonsi ambalo lilikuwa noma saaana aisee.

Wasanii walitoa burudani ni Mwanamitindo, muuza nyago na msanii wa Bongo Fleva, Hamisa Mobeto, wa Singeli Mzee wa Bwax, Easy Man na wakongwe Bongo Fleva, Chid Benz na Mr Blue wakisindikizwa na mkali wa kupuliza matarumbeta, Kiroboto OG .

Mashabiki wakiangalia shoo ya Hamisa Mobeto (Hayupo pichani)

Mpango mzima ulianza matarumbeta ya Kiroboto OG kisha mkali wa singeli Eazy Man kupanda jukwaani kisha mkali mwingine wa Singeli Mzee wa Bwax naye alifunika ile mbaya.

Uhondo wa singeli ukiwa bado unasikiliziwa mkali wa kuchana Chid Benz alivamia jukwaa na kufanya yake ambapo aliwateka mashabiki wa burudani waliokuwepo.

…Mobeto akifanya yake Stejini.

Hayo yakiendelea Hamisa Mobeto naye alivamia jukwaa na kuanza makamuzi ambapo mashabiki waliofurika ukumbini hapo ilikuwa ni full shangwe. Aliyemaliza kazi ukumbini hapo ni Mr Blue ambaye alipiga shoo mpaka ya aina yake.