UNAI Emery, Meneja wa Arsenal amesema kuwa leo atawatumia wachezaji wake wengi wapya kwa kuwa anaamini wapo fiti.
Mchezo wa kwanza leo Arsenal atamenyana na Newcastel United ikiwa ni mchezo wao wa kwanza baada ya Ligi Kuu England kuanza kutimua vumbi Ijumaa.
"Ceballos yupo fiti kwa ajili ya kuanza leo na kupambana kwenye timu, nina amini wachezaji wote wapo sawa na kazi tunaanza kwa uzuri," amesema.
Wachezaji wengine wapya ni pamoja na Nicolas Pepe, Kieran Tierney, Gabriel Martinelli, Dan Ceballos na William Saliba.
PATRICK Aussems, Kocha Mkuu wa Simba amesema kuwa mpango mkubwa wa kikosi chake ni kwenye mchezo wa marudio dhidi ya UD Songo
Simba jana ilicheza mchezo wa kwanza wa kimataifa kwenye hatua ya awali dhidi ya UD Songo, uwanja wa Beira nchini Msumbiji mpaka dakika 90 kukamilika ubao ulikuwa unasoma 0 kwa UD Songo na Simba pia.
Baada ya kumaliza mchezo huo kikosi kilikwea pipa na leo kipo Dar kwa ajili ya maandalizi ya mchezo wa ngao ya jamii dhidi ya Azam FC utakaochezwa Jumamosi.
"Tumerudi salama ni jambo la kushukuru, kwa sasa kazi kubwa ni kuelekea kwenye mchezo wetu wa marudio ambao tutakuwa nyumbani hivyo mashabiki wajitokeze kutupatia sapoti," amesema.
0 Comments