KUMEKUCHA SIMBA, WAANZA KUIWINDA UD SONGO KIMATAIFA

KIKOSI cha Mabingwa watetezi wa Ligi Kuu Bara, Simba leo kimeanza mazoezi ya kujiaanda kwa ajili ya mchezo wa marudoio dhidi ya UD Songo ya Msumbiji.

Simba ina kibarua kizito kutafuta matokeo mbele ya UD Songo kwenye mchezo wa marudio wa Ligi ya Mabingwa hatua ya awali unaotarajiwa kuchezwa kati ya Agosti 23-25 Dar.

Mchezo wa kwanza ugenini Simba imelazimisha sare ya bila kufungana hivyo ili kusonga mbele ni lazima ipate ushindi ikiwa nyumbani.

Ofisa Habari wa Simba, Haji Manara amesema kuwa kwa sasa kikosi kitaonyesha namna uwanja wa nyumbani unavyopaswa kupewa heshima.

"Uwanja wa nyumabani una raha yake hasa ukiwa na mashabiki zako ni lazima uonyeshe kitu, mashabiki wa Simba utamaduni wetu tusiache lazima tuendeleze kwa manufaa ya nchi," amesema.