RYAN Gigs, mchezaji na Kocha wa zamani wa Manchester United amesema kuwa hakuna anayejua kumtuliza kwa sasa kiungo mshambuliaji wa timu hiyo Paul Pogba kutokana na kutokuwepo wakongwe ndani ya klabu hiyo.
Pogba alisema kuwa anahitaji kusepa ndani ya kikosi hicho na awali alikuwa anahusishwa kujiunga na Juventus dili lilibuma mwishoni na kwa sasa Real Madrid bado wanamvutia kasi.
Inaelezwa kuwa Pogba amekuwa hana nidhamu mazoezini na hataki kuonyesha uwezo wake wote kwenye mechi anazocheza ndani ya United.
Gigs amesema kuwa mchezaji huyo dawa yake ni kumgonga tu mazoezini ili atulie na kazi hiyo wanaoweza kuifanya ni wakongwe ambao hawapo ndani ya United.
"Ningekuwa mimi ni mchezaji mkongwe ndani ya kikosi cha United lazima ningemtuliza na kufanya naye kazi kisha angebadilika kabisa na kutulia ndani ya kikosi.
"Wachezaji wa zamani tunajua na hilo huwa linafanyika kwenye mazoezi ni kumgonga tu atulie," amesema.
0 Comments