Msemaji wa Simba SC, Haji Manara amesema kuwa wapinzaji wao wa jadi, Yanga SC walijitahidi kufanya vizuri katika kilele cha Wiki ya Mwananchi ingawa waliiga vingi.
Akizungumza na kipindi cha Sport Xtra cha Clouds FM amesema Yanga SC waliiga vitu vingi kutoka kwao lakini wakufanikiwa kufanya kwa kiwango kile wanachofanya wao.
"Nitumie fursa hii kuwapongeza watani zetu, unapoiga jambo na ukalifanya katika level ile lazima wapongezwe wamejitahidi sana. Ni heshima kwa uongozi huu ambao umetumia busara kutambulisha wachezaji, viongozi waliopita walikuwa wanaona aibu kuiga" amesema Haji Manara.
Ameendelea kwa kusema, "Kama unaiga kitu kizuri si vibaya hakuna ubaya lakini nataka leo wajifunze ili mwakani watakapokuja waje kivingine. Kwa mfano kwenye utambulisjo wa wachezaji kuna vitu vipya kabisaabavyo nchi haijawahi kuona."
0 Comments