USIKU wa jana ulikuwa wa kihistoria kwa mahasimu wawili wa Soka Duniani kwa sasa, Cristiano Ronaldo wa Juventus ya Italia na mwenzake Lionel Messi wa Barcelona ya Hispania.
Katika usiku huo ambao ulikuwa wa utoaji tuzo za wachezaji Bora wa UEFA wa Mwaka 2018/2019, ukiambatana na kupangwa kwa makundi ya Ligi ya Mabingwa Barani Ulaya, Ronaldo alisema licha ya kuwa na upinzani mkubwa na Messi katika mpira wa miguu mahusiano yao yapo sawa yani hawana tatizo.
Ameongeza kuwa sio kitu rahisi kwa watu wawili wanaoshindana kusimama kwenye jukwaa moja katika kipindi kisichopungua miaka 15 huku kila mmoja wao akimpa hamasa mwenzake kushindana.
Ronaldo pia amegusia jinsi ambavyo anamis kucheza Laliga ambapo wamekuwa na ushindani mkubwa na Messi amekiri pia licha ya ukaribu wao na kuwa na mahusiano mazuri hawakuwahi kujumuika pamoja kwenye chakula cha usiku akitaraji kufanya hivyo kwenye siku za usoni pengine.
“Tumechangia stage kwa miaka 15, sijui kama imewahi kutokea kwenye mpira, wanaume wawili kuchuana kwa kipindi chote hicho, sio rahisi. Na kwa hakika tuna mahusiano mazuri, japo hatujawahi kupata pamoja chakula cha usiku, lakini nafikiria kwa siku zijazo!.
“Hakika nimekumbuka kucheza ndani ya Spain, tulikuwa na ushindani kwa miaka hiyo 15 ikiwa ni kitu kizuri, imetunufaisha sote! Ni jambo zuri kuwa kwenye historia ya Mpira wa Miguu,” alisema Ronaldo mbele ya Messi wakati akifanyiwa mahojiano.
The post Alichokifanya Ronaldo Mbele ya Messi Usiku appeared first on Global Publishers.
0 Comments