BAADA ya timu yake kutokuwa na uhakika wa kuendelea na michuano ya Kombe la Afrika ‘Afcon’, Kocha Msaidizi wa DR Congo, Mwinyi Zahera amegoma kurejea mapema kwenye klabu yake ya Yanga ambapo yeye ni kocha mkuu.

 

DR Congo hawana nafasi kwani katika michezo yake mawili waliyocheza walifungwa yote na wapo mkiani mwa kundi A, kinara ni Misri mwenye alama sita akifuatiwa na Uganda (4) na Zimbabwe (1).

 

Mechi ijayo ya kukamilisha ratiba, DR Congo watacheza na Zimbabwe kesho Jumapili na klabu ya Yanga imepanga kuanza kambi Julai 7, mwaka huu.

 

Zahera amesema kuwa kwa sasa hafikirii kurejea Tanzania kuanza kukinoa kikosi chake cha Yanga badala yake atakwenda Ufarasa kula bata na familia.

 

“Nimekaa muda mrefu Tanzania nikiwa na timu yangu ya Yanga, kwa sasa sifikirii kurejea mapema kuanza maandalizi kwani ni muda wangu wa kupumzika na mke wangu.

 

“Mchezo wangu wa mwisho utakuwa Juni 30, nina imani ya kufanya vizuri kwani tayari kwa sasa wachezaji wamepata uzoefu na nina imani ya kushinda kama tukipoteza basi nitakwenda zangu Ufaransa kupumzika na familia,” alisema Zahera.

The post Zahera Aenda Kula Bata appeared first on Global Publishers.