FEDHA ZA MAKAMBO KUTOKA HOROYA NI KUNGUMKUTI

Imeelezwa kuwa Kaimu katibu mkuu wa klabu ya Yanga, Omary Kaaya ameshindwa kuweka wazi kuhusu malipo ya milioni 230 ya mshambuliaji Heritier Makambo.

Taarifa imesema kuwa Kaya ameshindwa kufunguka ju ya fedha hizo ambazo ni kutoka klabu ya Horoya ya Guinea.

Makambo ambaye amesaini mkataba wa miaka mitatu katika klabu ya Horoya, tayari ameaga Yanga na hatokuwa sehemu ya kikosi msimu ujao.

Mpaka sasa haijawekwa wazi kama fedha hizo zimewasili ama la na tetes za ndani zinaeleza kumekuwa na sintofahamu juu ya uwazi wa kuwasili kwake ndani ya klabu.

Horoya imemchukua mchezaji huyo kutoka Yanga baada ya kumfuatilia kisha kuvutiwa naye kutokana na uwezo wake wa kucheka na nyavu uwanjani