Mbali na Simba kupoteza 1-0 Uwanja wa Uhuru Dar es Salaam, watani zao wa jadi Yanga waliokuwa Karume Stadium huko Musoma mkoani Mara wameshindwa kutamba mbele ya Biashara United kwa kupoteza bao 1-0.
Bao pekee la mchezo huo limewekwa kimiani na mshambuliaji Tariq Seif kunako dakika ya tisa tu ya mchezo baada ya mabeki wa Yanga kumuacha mchezaji huyo peke yake wakidhani ameotea.
Ushindi wa Biashara unawafanya wafikishe alama 40 kutoka 37 ambazo walikuwa nazo kabla ya mechi ya leo.
Yanga nao wanazidi kusalia na alama zao 80 wakiwa nafasi ya pili kwenye msimamo wa ligi na wakiwa wamecheza jumla ya mechi 35.
0 Comments