YANGA: HATUKUWA NA MIPANGO YA KUWA MABINGWA

KOCHA Mkuu wa Yanga, Mwinyi Zahera, amesema msimu huu hawana malengo ya kutwaa ubingwa wa Ligi Kuu Bara msimu huu, licha ya kwamba hivi sasa bado wapo kileleni.

Yanga inaongoza Ligi Kuu Bara baada ya kucheza michezo 34 imejikusanyia pointi 80 huku mpinzani wao Simba akiwa amecheza michezo 30 na ana pointi 78 katika nafasi ya pili.

"Malengo yetu yalikuwa ni kuwa ndani ya 10 bora kwenye ligi na sio kutwaa ubingwa wa ligi kuu msimu huu, hivyo ilikuwa tangu awali na bado tunapambana," amesema Zahera.

Yanga imebakiwa na michezo minne kumaliza msimu huu huku Simba ikibakiwa nayo nane. Simba ikishinda kesho dhidi ya Coastal, itakaa kileleni.