Leipzig yaichelewa Bayern kutwaa ubingwa wa saba mfululizo Ujerumani

Bayern Munich jana ilikosa nafasi ya kutwaa ubingwa saba mtawalia ligi kuu ya Ujerumani maarufu kama Bundesliga baada ya kulazimishwa suluhu ya bila kufungana na RB Leipzig
Leon Goretzka alifunga bao kwenye kipindi cha pili hata hivyo bao hilo lilikataliwa na VAR
Borussia Dortmund imeweka matumaini ya kutwaa ubingwa kama itashinda mchezo wa mwisho na wakati huo huo Bayern ikishindwa kupata matokeo
Dortmund iliichapa Fortuna Dusseldorf 3-2
Bayern inaongoza Bundesliga ikiwa na alama 75, alama mbili zaidi ya Dortmund yenye alama 73
Michezo ya kumaliza msimu itapigwa Jumamosi ijayo ambapo Bayern Munich itamaliza nyumbani dhidi ya Eintracht wakati Borussia Dortmund itakuwa ugenini dhidi ya Monchengladbach