Mwenyekiti, Mshindo Msolla
BAADA ya Yanga kupata uongozi mpya ambao upo chini ya Mwenyekiti, Mshindo Msolla na Makamu wake Frederick Mwakalebela wameongeza nguvu ya viongozi wengine wawili huku wakiwa na mpango wa kuongeza mjumbe mmoja baadaye.
Wanachama hao ambao wameongezwa kwenye nafasi na Kamati ya Utendaji kwa kutumia mamlaka iliyopewa na Ibara ya 28 (1) (d) ya Katiba ya Yanga ya mwaka 2010, imefanya uteuzi wa wanachama wafuatao kuwa wajumbe wa Kamati ya Utendaji ya Yanga:-
Dkt Athumani Kihamia, Mkurugenzi wa Tume ya Taifa ya Uchaguzi (NEC) na Shija Richard Shija, Meneja wa Mamlaka ya Mapato Tanzania (TRA). Uteuzi huo unaanza mara moja.
Katiba hiyo imetoa mamlaka kwa Kamati ya Utendaji ya Yanga kufanya uteuzi wa wajumbe watatu wa Kamati ya Utendaji hivyo huyo mmoja aliyebaki kamati imesema itamteua baadaye.
The post KUMEKUCHA YANGA, VIGOGO WAWILI WAONGEZWA – VIDEO appeared first on Global Publishers.
0 Comments