Hesabu za Aussems ni kwenye ubingwa tu

i

Baada ya ushindi wa mabao 8-1 dhidi ya Coastal Union, kikosi cha Simba kinaendelea na maandalizi ya mchezo unaofuata dhidi ya Kagera Sugar
Mchezo huo utapigwa kesho Ijumaa, May 10 kwenye uwanja wa Uhuru
Kocha Mkuu wa vinara hao wa ligi kuu Patrick Aussems amesema lengo la kwanza la kuongoza ligi tayari limefanikiwa na sasa wanahitaji kukamilisha lengo la pili la kutetea ubingwa
"Lengo kubwa ni kutetea ubingwa na sasa tunaongoza ligi tukiwa na michezo mitatu nyuma ya wapinzani wetu," amesema Aussems
"Mimi naangalia zaidi timu yangu na mpinzani wangu ajae ni Kagera Sugar, timu nyingine sijali"
Simba inahitaji kushinda michezo minne tu ili kutetea ubingwa kwa msimu wa pili mfululizo
Michezo yote minne inayofuata itapigwa uwanja wa Uhuru.
Baada ya mchezo dhidi ya Kagera Sugar michezo inayofuata ni dhidi ya Azam Fc, Ndanda na Mtibwa Sugar