MBELGIJI SIMBA APANIA MAKUBWA KIMATAIFA, AANZA KUIWINDA TP MAZEMBE

KOCHA Mkuu wa Simba, Patrick Aussems amesema kuwa baada ya kupangiwa timu ya TP Mazembe kwenye hatua ya robo fainali hesabu zake ni kukiandaa kikosi kupata matokeo.

Mazembe watakutana na Simba Uwanja wa Taifa mwezi Aprili huku kila timu ikijipanga kupata matokeo chanya ili kufika hatua ya nusu fainali.

Aussems amesema ni timu ngumu aliyopangiwa nayo ila anaamini ili kuwa bora ni lazima ucheze na timu ngumu na kubwa.

"Tupo kwenye hatua ngumu na yenye ushindani kwa sasa, imani yangu ni kuona tunapata matokeo chanya hivyo baada ya kuwajua wapinzani wetu hesabu zetu ni kujipanga kupata matokeo bila kujali aina ya wapinzani licha ya ubora wao nina imani na kikosi changu," amesema Aussems.