Mshambuliaji wa klabu ya CD Tenerife inayoshiriki Ligi Daraja la Kwanza nchini Spain, Shaban Idd Chilunda, amekanusha taarifa zilizozagaa mitandaoni kuwa amejiunga na Simba SC.

Akizungumza kupitia kituo cha Radio EFM asubuhi hii, Chilunda ameeleza picha zinazozagaa zikionesha anasaini Simba si za sasa bali ni zamani.

Amesema bado ana mkataba na Tenerife na amekuja Tanzania kwa ajili ya kuihudumia timu ya taifa kuelekea mechi ya kufuzu AFCON na Uganda Machi 24.

"Hakuna ukweli juu ya hilo, hiyo picha ni ya zamani.

"Nimekuja kuitumikia timu ya taifa, bado nina mkataba na timu yangu ya Spain."