WAMBURA APANDISHWA KIZIMBANI KISUTU, ASOMEWA MASHITAKA 17, APELEKWA RUMANDE

Aliyewahi kuwa Makamu wa Rais wa TFF, Michael Wambura amesomewa mashitaka 17 mawili yakiwa ya utakatishaji fedha.

Mashitaka hayo yamesomwa leo kwenye Mahakama ya Kisutu baada ya Wambura kupandishwa kizimbani kwa mara ya kwanza.

Shitaka la kwanza lilikuwa ni kugushi nyaraka wakati akiwa madarakani TFF na kujiwezesha kupata fedha dola 30,000 isivyo halali.

Wambura amekosa dhamana na amepelekwa rumande hadi Februari 14 atakaporejea mahakamani kuendelea na kesi yake ambayo itajulikana iwe ya jinai au uhujumu uchumi.