MSHAMBULIAJI wa Yanga, Heritier Makambo ameonyesha ufundi wake leo baada ya kuanza kuzamisha jahazi la Mbao FC kwenye mchezo wao wa leo wa Ligi Kuu Bara uliochezwa Uwanja wa CCM Kirumba kabla ya Amiss Tambwe kumaliza kazi.
Mbao walianza kupata bao dakika ya 45 kupitia kwa Ndaki Robert na kuifanya Yanga isubiri mpaka kipindi cha pili kusawazisha kupitia kwa Heritier Makambo dakika ya 49.
Dakika ya 67 Eric Mulilo wa Mbao alinawa mpira eneo la hatari na kufanya mwamuzi atoe penalti iliyowekwa kimiani na Tambwe dakika ya 68.
Ushindi huo unaifanya Yanga ifikishe pointi 61 ikiwa kwenye namba moja kwenye msimamo na kuiacha Simba ikiwa nafasi ya tatu na pointi 42.
Simba ina michezo nane mkononi inaachwa kwa jumla ya pointi 19 na pia Azam FC wenye pointi 50 wakiwa wamecheza michezo 24 wameachwa kwa jumla ya pointi 11 na Yanga.
0 Comments