Kocha Msaidizi wa Stand United, Athuman Bilali 'Bilo', amewafungukia timu ya Yanga SC kuwa
hakuna timu yenye uhakika na ubingwa kwa sasa.

Bilo amesema hayo baada ya timu yake kuichapa Yanga bao 1-0 juzi kwenye mchezo wa Ligi Kuu Bara, na kusema kuwa Yanga kwa sasa licha ya kuwa ipo kileleni, bado haina nafasi ya kuchukua ubingwa kutokana na watani zake wa jadi kuwa nyuma kwa mechi nyingi.

Pia Bilo amewataja Azam FC kuwa na mwendelezo mzuri akiamini yoyote yule atayayezidi kufanya vizuri atafanikiwa kubeba taji.

Katika msimamo wa ligi unaonesha kuwa Yanga ambao wamecheza mechi 20 wako kileleni wakiwa na alama 53.