COASTAL UNION YAINYOOSHA AFRIKA LYON MKWAKWANI

BAADA ya kikosi cha Coastal Union iliyo chini ya Juma Mgunda kufungwa bao 5-2  dhidi ya KMC katika mchezo wa Ligi Kuu Bara mzunguko wa pili, leo Coastal Union wameibuka kifua mbele kwa ushindi wa mabao 2-0 dhidi ya African Lyon.

Mchezo huo uliochezwa Uwanja wa Mkwakwani Tanga, ulikuwa na ushindani mkubwa kwani iliwalazimu Coastal Union kusubiri mpaka dakika ya 49 kuandika bao la kwanza kupitia kwa Andrew Simchimba.

Dakika za lala salama, Coastal Union walifanikiwa kuongeza bao la pili la ushindi ambalo liliwamaliza nguvu African Lyon ya kupata ushindi kutokana na bao hilo lililofungwa na Issa Abushee dakika 90.