BAADA YA KULA KICHAPO JANA SHINYANGA, ZAHERA AUWASHA MOTO KWA WAAMUZI, TFF

Kocha Mkuu wa Yanga, Mwinyi Zahera ameamua kuuwasha moto kwa Waamuzi wa Ligi Kuu Bara baada ya kupoteza mchezo wa jana dhidi ya Stand United.

Zahera ambaye timu yake ilifungwa kwa bao 1-0 huko Shinyanga ameeleza kuwa waamuzi wa soka la Tanzania wamekuwa na mapungufu mengi.

Kocha huyo ameisifia Ligi ya Tanzania akiamini kuwa ni bora zaidi lakini akitupa lawama zake kwa baadhi ya waamuzi wanaoifanya ipoteze mvuto.

Hajasita kuwashauri viongozi wa Shirikisho la Soka nchini (TFF) kujaribu kufuatilia mchezo wao wa jana walicheza na Stand ili kubaini madhaifu ya waliochezesha mechi hiyo.

Katika mechi ya jana ilikubali kupoteza mchezo wake wa kwanza kwenye msimu huu na kuwa sawa na Simba na Azam ambazo kila moja imepoteza mchezo mmoja.